Ermənistanın baş naziri Nikol Paşinyan Roma Papası XIV Leo ilə Cənubi Qafqazda sülhü müzakirə edib.
"Operativ Məlumat Mərkəzi-OMM" xəbər verir ki, bu barədə Ermənistan hökumətinin mətbuat xidməti məlumat yayıb.
Paşinyan Vatikandadır və burada arxiyepiskop İqnatius Maloyan və daha altı nəfərin Papa XIV Leo tərəfindən keçirilən kanonizasiya mərasimində iştirak edib.
"Görüş zamanı regional məsələlərə də toxunulub. Tərəflər Ermənistan və Azərbaycan arasında sülh, eləcə də humanitar məsələləri müzakirə ediblər. Roma Papası bu sahədə əldə edilən irəliləyişi alqışlayıb və regionda sülhün əməkdaşlıq və sabitliyin yeni dövrünü açacağına ümid etdiyini bildirib", - məlumatda deyilir.
Paşinyan, öz növbəsində, Ermənistanın sülhməramlı gündəliyə — ölkənin və bütün regionun firavanlığı və davamlı inkişafı naminə sadiqliyini təsdiqləyib.
