Nigeriyanın Kaduna əyalətində silahlı dəstə üzvlərinin həyata keçirdikləri silahlı hücumda 23 nəfərin həyatını itirdiyi bildirilib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Belə ki, silahlı dəstə üzvləri Kaduna əyalətinin Anquvar Danko və Kanava kəndlərində hücumlar həyata keçirib. Kaduna Əyalət Məclisindəki Kakangi rayon nümayəndəsi Yahaya Musa Dan Salio verdiyi açıqlamada hücumda 23 nəfərin həyatını itirdiyini, 5 nəfərin isə yaralandığını bildirib.

Şərqi Afrika ölkəsi Keniyada leysan yağışların səbəb olduğu seldə həyatını itirənlərin sayı 188-ə yüksəlib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Belə ki, Mai Mahiu qəsəbəsində güclü yağış nəticəsində bəndin uçması ilə baş verən fəlakətdən sonra bölgədə daha 50 nəfərin cəsədi tapılıb. Seldən ümumilikdə 196 min 296 nəfərin zərər çəkib.

Güclü yağışların ölkənin 47 bölgəsinin ən az 28-də təsirli olduğu öyrənilib.

İsveçrə Konfederasiyasının prezidenti Viola Amherd 15-16 iyun tarixlərində Ukrayna Sülh Sammitinə ev sahibliyi edəcəklərini açıqlayıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Dünya liderlərini ilk “Ukrayna Sülh Sammitinə” dəvət etməkdən şərəf duyduğunu deyən Amherd, iyun ayında Nidvalden kantonunun Bürgenstok şəhərində sammitin keçiriləcəyini qeyd edib.

Sammitə dünyanın müxtəlif ölkələrindən 160-dan çox nümayəndə heyəti dəvət olunub.

Bəyanatda bildirilib ki, sammitin ümumi məqsədi BMT Nizamnaməsinə və beynəlxalq hüququn əsas prinsiplərinə əsaslanan sülh təkliflərini müzakirə etmək və gələcəkdə Ukraynada sülh prosesinə ilham verməkdir.

Bu il Çinin Honq-Konq Xüsusi İnzibati Bölgəsi 1884-cü ildə meteoroloji qeydlər başlayandan bəri "ən isti aprel"i yaşayıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Subtropik iqlim zonasında yerləşən Honq-Konqda bu ilin qış və yaz aylarında temperatur göstəriciləri mövsümi normalardan yüksəkdir. Aprelin 27-də şəhərdə orta sutkalıq temperatur 28,8 dərəcə Selsi səviyyəsinə çatıb.

Honq Konqda 1990-2020-ci illər arasında aprel ayında orta temperatur 21,1 ilə 25,6 dərəcə Selsi arasında ölçülüb.

Bu il 2010-cu ildən bəri ən isti aprel ayı Yunanıstanın Thessaly bölgəsi, Peloponnes yarımadası və Egey adalarında yaşanıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Tesaliya və Şimali Yunanıstanda aprel ayı temperaturu mövsüm normalarından 3 dərəcə yuxarı qalxarkən, Ege adaları üçün bu rəqəm orta hesabla 2,4 dərəcə olub.

ABŞ Ukrayna müharibəsinə görə Rusiyaya qarşı tətbiq etdiyi sanksiyalara daha 31 Çin şirkətini də daxil edib.

"Operativ Məlumat Mərkəzi-OMM"  xəbər verir ki, bu barədə xarici KİV məlumat yayıb.

Bu şirkətlərin “müdafiə sənayesinin əsasını təşkil edən kritik texnologiyaları Rusiyaya təqdim etdikləri” səbəbiylə sanksiyaya məruz qaldıqları vurğulanıb.

Siyahıya alınan Çin şirkətlərinin Rusiyaya aviasiya, kosmos və istehsalat avadanlıqlarında ikili təyinatlı hərbi və mülki məhsulların hazırlanmasında və tədarükündə rolunun olduğu bildirilib.