Nigeriyanın şimalında ölkənin milli idman festivalından qayıdan idmançıları daşıyan avtobus qəzaya uğrayıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Qəzada idmançılar, məşqçilər və rəsmilər də daxil olmaqla 22 nəfər həyatını itirib, çoxlu sayda insan isə ağır yaralanıb.
Kano Əyaləti Qubernatorluğundan verilən açıqlamada qəzada həyatını itirənlərin əksəriyyətinin gənclər olduğu bildirilib.
Qəzanın həddindən artıq sürət səbəbindən baş verə biləcəyi qeyd olunub.
