Netanyahu və Barbok Qəzza üzərində mübahisə ediblər

Almaniyanın xarici işlər naziri Annalena Barbok və İsrailin baş naziri Benyamin Netanyahu Qəzza zolağında baş verən humanitar böhranı əks etdirən fotoşəkillərə görə mübahisə ediblər.

"Operativ Məlumat Mərkəzi-OMM" xəbər verir ki, bu barədə “Der Spiegel” yazıb.

Netanyahu bölgədəki vəziyyətin o qədər də dramatik olmadığını sübut etmək üçün görüş zamanı Qəzza zolağının sahillərindəki bazarların görüntülərini göstərmək istəyib.

Buna cavab olaraq Barbok sahil bölgəsində ərzaq qıtlığını qeyd edib və İsrailin baş nazirinə telefonunda aclıq çəkən uşaqların görüntülərini göstərməyi təklif edib. O, Netanyahuya göstərilən fotoların reallığa uyğun gəlmədiyini də vurğulayıb.