İsrailin baş naziri Benyamin Netanyahu Ramon Hərbi Hava Qüvvələri bazasına baş çəkib və hava qüvvələrinin döyüş heyəti və yerüstü heyət ilə görüşüb.
"Operativ Məlumat Mərkəzi-OMM" xarici KİV-ə istinadən xəbər verir ki, baş nazir görüş əsnasında atəşkəs ehtimalına münasibət bildirib.
"Bilmənizi istəyirəm ki, bu bizim etməyəcəyimiz bir şeydir. Girovlar geri qayıdana qədər atəşkəs olmayacaq",- deyə Netanyahu qətiyyətlə qeyd edib.
“Atəşkəsi lüğətdən tamamilə çıxarmaq lazımdır. Biz bunu həm dostlarımıza, həm də düşmənlərimizə deyirik. Onları məğlub edənə qədər davam edəcəyik. Bizim başqa alternativimiz yoxdur".
