NATO ölkələri Rusiya ilə “sülh razılaşması” müqabilində Ukraynaya təhlükəsizlik zəmanəti üçün iki variant təklif etmək istəyir.
"Operativ Məlumat Mərkəzi-OMM" xəbər verir ki, bununla bağlı TASS məlumat yayıb.
Məlumata əsasən, birinci variant ondan ibarətdir ki, alyans ölkələri “atəşkəs razılaşmasından sonra uzun illər” Ukraynaya əhəmiyyətli hərbi və iqtisadi yardım göstərəcəklərini vəd edəcəklər.
Təhlükəsizlik təminatlarının ikinci variantı Şimali Atlantika Müqaviləsi NATO-nun bir üzvünə hücumun hamıya hücum hesab edilməsi müddəasını özündə əks etdirən 5-ci maddəsinin Ukrayna ərazisinə də şamil edilməsini nəzərdə tutur.
Bu halda, Qərb Ukraynanı öz nüvə çətiri altına alacaq, Avropa, ABŞ və Kanada isə Ukraynanı qorumağa borclu olacaq.
