"Finlandiyanın və İsveçin NATO-ya üzv olması ilə bağlı ratifikasiya prosesi həm NATO, həm də mənim üçün prioritetdir".

"Operativ Məlumat Mərkəzi-OMM" xəbər verir ki, bunu NATO Baş katibi Yens Stoltenberq Albaniya Prezidenti ilə birgə keçirdiyi mətbuat konfransında deyib.

Bir müddət əvvəl Türkiyə Prezidenti Ərdoğanla müzakirə apardığı xatırladan Stoltenberq əlavə edib ki, bu həftənin sonuna doğru Brüsseldə Finlandiya, İsveç və Türkiyə təmsilçilərinin görüşü olacaq və üçtərəfli anlaşma memorandumunun həyata keçirilməsi istiqamətində atılan addımlar müzakirə olunacaq.

İsrail hökuməti ilə Fələstinin HƏMAS hərəkatı arasında danışıqlar dayandırılıb.

"Operativ Məlumat Mərkəzi-OMM"-in xəbərinə görə, bu barədə İsrailin “Kan” dövlət teleradio şirkəti öz mənbələrinə istinadən məlumat verib.

Qeyd edilir ki, münaqişə iştirakçıları girovların azad edilməsi şərtləri barədə razılığa gələ bilmədikləri üçün məsləhətləşmələr dayandırılıb. “Mənbələr, tərəflər arasında fikir ayrılığının çox böyük olduğunu, xüsusən “müharibənin sonu” termini, eləcə də İsrailin HƏMAS-ın azad edilməsini istəyə biləcəyi terrorçuların adlarına veto qoymaq tələbi ilə bağlı olduğunu göstərib”, - “Kan” bildirib.

KXDR yeni özünüidarəetmə naviqasiya sistemi ilə taktiki ballistik raketin eksperimental buraxılışını həyata keçirib.

"Operativ Məlumat Mərkəzi-OMM" xəbər verir ki, bu barədə "Koreyanın səsi" radiosu məlumat yayıb.

"KXDR-in Raket İstehsalı Baş İdarəsi Şərq dənizində yeni özünüidarəetmə naviqasiya sisteminin tətbiq olunduğu taktiki ballistik raketin eksperimental buraxılışını həyata keçirib", - məlumatda deyilir.

Qeyd olunur ki, KXDR lideri Kim Çen Inın iştirak etdiyi sınaqlar mayın 17-də baş tutub. Şimali Koreya hərbçiləri Vonsan şəhərinin ətrafından bir neçə qısa mənzilli raket buraxıblar. Raketlər təxminən 300 km uçub və Yaponiya dənizinə düşüb.

Bundan əvvəl “Yonhap” agentliyi Şimali Koreyanın Yapon dənizinə ballistik raket atdığını bildirib.

KXDR sonuncu dəfə aprelin 22-də Yapon dənizinə raket atıb. Bundan sonra NHK telekanalı Şimali Koreya raketinin Yaponiyanın iqtisadi zonasından kənarda düşdüyünü bildirib.

Yeni Zelandiyanın Kermadek arxipelaqında 5,8 maqnitudada zəlzələ qeydə alınıb.

"Operativ Məlumat Mərkəzi-OMM" xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.

Zəlzələnin episentri təxminən 954 min əhalisi olan Hoks Bey şəhərindən 1,3 km şimalda, ocağı 203 km dərinlikdə yerləşib.

Zərərçəkənlər və dağıntılar barədə məlumat verilmir. Sunami təhlükəsi elan olunmayıb.

İranda “satanizmi yaymaqda” ittiham olunan şəxslərə qarşı keçirilən əməliyyatlarda 3-ü Avropa vətəndaşı olmaqla 261 nəfər saxlanılıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Əməliyyat zamanı paltarlarında, başlarında, üzlərində və saçlarında satanizmin loqoları, işarələri və simvollarını daşıyan 146 kişi və 115 qadın saxlanılıb.

Hadisə zamanı sözügedən şəxslərə məxsus spirtli içkilər, psixotrop maddələr və 73 avtomobil götürülərək qanuni tədbir görülməsi üçün ədliyyə orqanlarına təhvil verilib.

Əfqanıstanın Bamyan bölgəsində naməlum şəxslər tərəfindən həyata keçirilən silahlı hücumda 3-ü xarici turist olmaqla 4 nəfər həyatını itirib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Hadisə ilə bağlı təhlükəsizlik qüvvələrinin işə başladığını bildirən Əfqanıstan Daxili İşlər Nazirliyinin sözçüsü Əbdül Mətin Qani, "İndiyə qədər 4 nəfər nəzarətə alındı" deyib.

Hücumu şiddətlə qınayan Qani həlak olanların ailələrinə başsağlığı verib və cinayətkarların tapılaraq cəzalandırılacağını vurğulayıb.