"Milan"ın hücumameyilli yarımmüdafiəçisi Noa Okafor klubunu dəyişib.
24 yaşlı isveçrəli cinah oyunçusu karyerasını İtaliyanın digər komandası "Napoli"də davam etdirəcək.
"Operativ Məlumat Mərkəzi-OMM" klubun mətbuat xidmətinə istinadən xəbər verir ki, tərəflər icarə müqaviləsi bağlayıb.
Okafor cari mövsümün sonuna kimi Antonio Kontenin komandasında çıxış edəcək.
Hücummeyilli yarımmüdafiəçi cari mövsümdə 17 oyun keçirib.
Okafor 1 qol və 2 məhsuldar ötürmə edib.
İtaliya çempionatında 23 turdan sonra turnir cədvəlinə "Napoli" başçılıq edir. Kontenin komandası 54 xal toplayıb.
