Muğanlı-İsmayıllı-Qəbələ avtomobil yolunun tikintisi bu ilin dekabr ayına qədər başa çatacaq.
“Operativ Məlumat Mərkəzi-OMM”-in əldə etdiyi məlumata görə, Azərbaycan Avtomobil Yolları Dövlət Agentliyi (AAYDA) bu istiqamətdə fəaliyyətini davam etdirir.
Bu il həmçinin Naxçıvan Muxtar Respublikasının yerli əhəmiyyətli avtomobil yollarının, şəhər və kəndlərinin daxili avtomobil yollarının yenidən qurulmasının layihələndirilməsi həyata keçiriləcək.
Xatırladaq ki, Bakı şəhərini İsmayıllı, Qəbələ, Oğuz, Şəki, Qax, Zaqatala və Balakən rayonları ilə birləşdirən ən qısa yol - Bakı-Şamaxı-Muğanlı-İsmayıllı-Qəbələ avtomobil yolunun Muğanlı-İsmayıllı-Qəbələ hissəsinin tikintisinə 2021-ci ildən başlanılıb.
