Güclü qar səbəbindən Rusiyanın paytaxtı Moskva şəhərinin hava limanlarının işində problemlər yaranıb, 70-dən çox reys gecikib və ya təxirə salınıb.
"Operativ Məlumat Mərkəzi-OMM" xəbər verir ki, Şeremetyevo hava limanında 34 reys gecikib. Domodedovo aeroportunda 17 reys gecikib, daha 3 reys təxirə salınıb, Vnukovoda - 13 reys gecikib, Jukovskidə 6 reys gecikib.
Hava limanlarında 2 saata qədər gecikmələr adi haldır. Beləliklə, Federal Hava Nəqliyyatı Agentliyi çarter və müntəzəm uçuşların gecikmələri ilə bağlı statistik məlumatları hesablayarkən 2 saatdan az gecikmələri nəzərə almır.
Rusiyanın Hidrometeorologiya Mərkəzinin elmi direktoru Roman Vilfandın bildirdiyinə görə, Moskvaya 145 ilin ən güclü qarı yağıb.
