Afət Ziyadqızı
Moldova parlamentinin sədri İqor Qrosu bildirib ki, Kişinyov 2030-cu ilə qədər Avropa İttifaqına (Aİ) daxil ola bilər.
"Operativ Məlumat Mərkəzi-OMM" xəbər verir ki, o, bu şərtləri Rumıniyanın digi24.ro nəşrinə müsahibəsində paylaşıb.
O xatırladıb ki, prezident Maia Sandu 2030-cu ilə qədər Aİ-yə daxil olmaq məqsədini açıqlayıb.
"Bu, bizim qarşımıza qoyduğumuz məqsəddir. Mən bu məqsədi dəstəkləyirəm, amma həmkarlarıma da demişəm və hamıya deyirəm ki, biz bu prosesi sürətləndirmək üçün səy göstərəcəyik".
Onun sözlərinə görə, Moldovada, Ukraynada və bütün Avropada sürətlənmə dinamikası var. Hadisələr çox sürətlə inkişaf edir, on il əvvəl belə deyildi.
"Biz bu çətin vəziyyətə uyğunlaşmalı və imkanlar tapmalıyıq. Biz 2022-ci ildə namizəd ölkə statusunu aldıq və 2023-cü ildə danışıqlara başladıq", - deyə Qrosu vurğulayıb.
