OMM Redaksiyası
Moldova Baş nazirinin müavini və xarici işlər naziri Mixay Popşoi, martın 6-da Bakıya səfəri çərçivəsində Şəhidlər xiyabanını və Zəfər parkını ziyarət edib.
“Operativ Məlumat Mərkəzi-OMM”xəbər verir ki, Zəfər parkında ali qonağın şərəfinə fəxri qarovul dəstəsi düzülüb. Moldova rəsmisi Zəfər abidəsinin önünə əklil qoyaraq ehtiramını bildirib. Daha sonra qonağa Azərbaycan xalqının Vətən müharibəsində göstərdiyi qəhrəmanlığın və qazandığı tarixi Zəfərin simvolu olan park barədə ətraflı məlumat verilib.
Səfər proqramı çərçivəsində Şəhidlər xiyabanına gələn nazir, Azərbaycanın müstəqilliyi uğrunda canlarını qurban vermiş qəhrəmanların xatirəsini anıb və "Əbədi məşəl" abidəsinin önünə əklil qoyub. Ziyarətin sonunda Bakının mənzərəsini seyr edən qonağa paytaxtda aparılan abadlıq-quruculuq işləri haqqında danışılıb.
