Misir Qəzzanın şimalına hava yardımının atıldığını açıqlayıb

Misir İsrailin hücumlarını davam etdirdiyi və yardımın daxil olmasına mane olan Qəzza zolağının şimalına hava yardımı atıldığını, bunun da aclığa səbəb olduğunu açıqlayıb.

"Operativ Məlumat Mərkəzi-OMM" xəbər verir ki, bu barədə Misir rəsmisi Qərib Əbdülhafiz məlumat yayıb.

Qəzza zolağının şimalına hər gün humanitar yardımların atılması üçün beynəlxalq koalisiyanın qurulduğuna diqqət çəkən Əbdülhafiz Misir və koalisiyaya daxil olan bəzi digər ölkələrə aid hərbi təyyarələrin də bu gün Qəzzaya yardımı atdığını bildirib.

Əbdülhafkz qeyd edib ki, Qəzza zolağında Fələstin xalqının əziyyətini yüngülləşdirmək üçün Misirdən də Rafah Sərhəd Qapısı vasitəsilə yardım çatdırılıb.