OMM Redaksiyası
Azərbaycan Respublikası Milli Məclisinin yaz sessiyası üzrə ilk plenar iclası keçirilib. Yaz sessiyasının açılışı parlamentin sədri Sahibə Qafarova tərəfindən elan olunub.
"Operativ Məlumat Mərkəzi-OMM"-in yaydığı məlumata görə, iclasın rəsmi hissəsində əvvəlcə Azərbaycan Respublikasının Dövlət Himni səsləndirilib.
Bununla da Milli Məclisin yaz sessiyası üzrə plenar fəaliyyətinə start verilib.
Bildirilib ki, plenar iclasın gündəliyinə bir sıra mühüm məsələlər daxil edilib. Belə ki, müzakirəyə Milli Məclisin yaz sessiyası üçün qanunvericilik işləri planı, həmçinin Hesablayıcı və İntizam komissiyalarının tərkibinin yenidən formalaşdırılması və digər məsələlər çıxarılıb. Ümumilikdə gündəlikdə 16 məsələ yer alır.
