Merz üç həftə ərzində Rusiya aktivlərinə həbs qoyulması ilə bağlı “konkret qərar” gözləyir

Almaniya kansleri Fridrix Merz üç həftə ərzində dondurulmuş Rusiya aktivləri ilə bağlı “konkret qərar” gözləyir.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Nəşr yazır: “Merz cümə axşamı bildirib ki, o, Avropa liderləri arasında Ukraynaya kömək etmək üçün Rusiya aktivlərindən istifadənin dəstəklənməsi ilə bağlı geniş razılıq əldə etdiyini görüb və əlavə edib ki, üç həftə ərzində məsələ ilə bağlı konkret qərar gözləyir.”

Bundan əvvəl Avropa diplomatiyasının rəhbəri Kaya Kallas bəyan etmişdi ki, əgər Avropa İttifaqı Rusiyanın dondurulmuş xarici aktivlərini ələ keçirə bilməsə, Aİ Ukraynaya köməyi vergi ödəyiciləri hesabına təmin edəcək.