Merz: "Avropanın sülh nizamı Rusiyadan gələn sərt təhdidlərlə üz-üzədir"

Almaniya kansleri Fridrix Merz Rusiyanın mövcud Avropa təhlükəsizlik nizamına ciddi təhdid yaratdığını bəyan edib. "n-tv" telekanalının məlumatına görə, o, bu barədə Münster şəhərində keçirilən tədbirdəki çıxışı zamanı bildirib.

"Operativ Məlumat Mərkəzi-OMM" xəbər verir ki, F.Merz qitənin sülh nizamının Rusiyadan qaynaqlanan sərt revizionizm çağırışları ilə üz-üzə qaldığını vurğulayıb.

Kanslerin sözlərinə görə, Ukraynadakı müharibədə bütövlükdə Avropanın təhlükəsizlik gələcəyi həll olunur və bu baxımdan diplomatik həll variantlarına da hazır olmaq vacibdir.

Məsələ ilə bağlı Rusiya Prezidenti Vladimir Putin daha əvvəl bəyan etmişdi ki, Qərb Moskva üçün də məqbul olan şərtlərlə razılaşacağı təqdirdə, hər iki tərəfin əlavə itkilərinin qarşısını almaq üçün Ukraynadakı hərbi əməliyyatları dayandırmaq mümkündür.