MDB müşahidəçiləri bölgələrdəki seçki dairələrində olublar

MDB müşahidəçiləri bölgələrdəki seçki dairələrində olublar
29.01.2024 17:37
Aa
dəq

Azərbaycanda növbədənkənar prezident seçkilərinin monitorinqi çərçivəsində MDB-dən olan müşahidəçilər Lənkəran, Lerik, Masallı, Cəlilabad və Salyan rayonlarına, həmçinin Naxçıvan Muxtar Respublikasının Şərur, Sədərək, Şahbuz, Culfa və Ordubad rayonlarında və Naxçıvan şəhərində olublar.

"Operativ Məlumat Mərkəzi-OMM" MDB İcraiyyə Komitəsinə istinadən xəbər verir ki, dairə seçki komissiyalarının rəhbərləri növbədənkənar seçkilərin keçirilməsinə hazırlıqla bağlı görülən işlər barədə müşahidəçilərə məlumat veriblər.

Missiya üzvləri məntəqə seçki komissiyalarında olarkən onların texniki və metodiki təminatı, seçici siyahılarına dair işlərin gedişatı ilə yaxından tanış olublar. Müşahidəçilər seçki məntəqələrinin yaxşı təchiz olunmasını və komissiya üzvlərinin yüksək hazırlıq səviyyəsini qeyd ediblər.

Monitorinq zamanı müşahidəçilər Naxçıvan şəhərində və Ordubad-Culfa dairələrində keçirilən treninqlərdə iştirak ediblər. Bu treninqlər zamanı məntəqə seçki komissiyalarının üzvləri seçkilərin keçirilməsinin təşkilati məsələləri ilə bağlı təlimatlandırılıb.

Seçkiqabağı kampaniyaya da xüsusi diqqət yetirilib. Dairə seçki komissiyalarının sədrləri müşahidəçilərin diqqətinə çatdırıblar ki, namizədlərə və onların səlahiyyətli nümayəndələrinə təşviqat aparmaq üçün qanunla nəzərdə tutulmuş bütün imkanlar yaradılıb.

MDB müşahidəçilər missiyasının formalaşdırılması prosesi də başa çatıb. 169 müşahidəçinin akkreditasiyası üçün sənədlər Azərbaycan Mərkəzi Seçki Komissiyasına göndərilib. Buraya Belarus, Qazaxıstan, Qırğızıstan, Rusiya, Tacikistan, Türkmənistan, Özbəkistan, MDB-yə üzv dövlətlərin Parlamentlərarası Assambleyası və MDB İcraiyyə Komitəsinin nümayəndələri daxildir.

Həftənin ən çox oxunanları

Azərbaycan və Türkiyə parlamentlərinin sədrləri görüşüb

Azərbaycan və Türkiyə parlamentlərinin sədrləri görüşüb
DAVAMIN OXU davamın oxu

Ukrayna Azərbaycana yeni səfir təyin edib

Ukrayna Azərbaycana yeni səfir təyin edib
DAVAMIN OXU davamın oxu

ABŞ Prezidentinin xüsusi nümayəndəsinin müavini Azərbaycanda səfərdədir

ABŞ Prezidentinin xüsusi nümayəndəsinin müavini Azərbaycanda səfərdədir
DAVAMIN OXU davamın oxu

Ceyhun Bayramov: Azərbaycan sülh sazişi ilə bağlı danışıqlar prosesinin başlamasında maraqlıdır

Ceyhun Bayramov: Azərbaycan sülh sazişi ilə bağlı danışıqlar prosesinin başlamasında maraqlıdır
DAVAMIN OXU davamın oxu

Ceyhun Bayramov Toivo Klaar ilə görüşüb

Ceyhun Bayramov Toivo Klaar ilə görüşüb
DAVAMIN OXU davamın oxu