OMM Redaksiyası
“Real Madrid”in hücumçusu Kilian Mbappe Fransanın Onze Mondial nəşrinin versiyasına görə Avropanın ən yaxşı futbolçusu seçilib. 2025/26 mövsümünün nəticələri əsasında keçirilən səsvermədə 27 yaşlı futbolçu səslərin 48,2 faizini toplayıb.
Mbappe həmin mövsümdə klubunda 40 qol vurub. O, 1976-cı ildən təqdim olunan mükafata karyerasında ilk dəfə layiq görülüb. Fransalı hücumçu əvvəlki illərdə bu sorğuda üç dəfə üçüncü yeri tutub.
Səsvermədə ikinci və üçüncü yerləri “PSJ”nin futbolçuları tutublar. Yarımmüdafiəçi Joao Neveş 11,9 faiz səslə ikinci, cinah hücumçusu Xviça Kvaratsxeliya isə 10,8 faiz səslə üçüncü olub.
Ötən il mükafatı “PSJ”nin digər futbolçusu Usman Dembele qazanmışdı. Mükafatın rekordçusu isə bu uğura dörd dəfə imza atan Lionel Messidir.
