Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fondu (DSMF) tərəfindən may ayı üzrə müavinət, təqaüd və ünvanlı dövlət sosial yardımlarının ödənişi prosesi yekunlaşıb.
Fonddan verilən məlumata görə, cari ay üçün nəzərdə tutulan bütün sosial ödənişlər tam şəkildə icra olunub.
Xatırladaq ki, bundan əvvəl pensiya ödənişləri də qrafikə uyğun şəkildə həyata keçirilmişdi:
- Mayın 14-də: Bakı və Sumqayıt şəhərləri, Abşeron rayonu, eləcə də Naxçıvan Muxtar Respublikası üzrə pensiyalar ödənilib.
- Mayın 20-də: Digər bölgələrdə yaşayan pensiyaçılara və güzəştli şərtlərlə pensiya hüququ qazanmış şəxslərə ödənişlər edilib.
