Rusiya Federasiya Şurasının sədri Valentina Matvienko Azərbaycan Milli Məclisinin (MM) sədri Sahibə Qafarovanın Azərbaycana rəsmi səfərə dəvətini qəbul edib.
"Operativ Məlumat Mərkəzi-OMM" xəbər verir ki, bu barədə parlamentin yuxarı palatasının mətbuat xidməti məlumat yayıb.
Qeyd edilib ki, MDB Parlamentlərarası Assambleyası çərçivəsində baş tutan görüşdə Matvienko və Qafarova parlamentlərarası əlaqələrin intensivləşdirilməsi barədə razılığa gəliblər.
Bundan əlavə, ikitərəfli əməkdaşlıq, o cümlədən parlament vasitəsilə, eləcə də beynəlxalq platformalarda qarşılıqlı fəaliyyət məsələləri müzakirə edilib.
