Aktyor Mark Ruffalo “Paramount Skydance” şirkətinin “Warner Bros”u satın alması planına qarşı çıxıb.
“Operativ Məlumat Mərkəzi – OMM” xəbər verir ki, Ruffalo şirkətin rəhbəri David Ellison və onun atası, “Oracle” rəhbəri Larry Ellison arasındakı əlaqələrə diqqət çəkib.
Aktyor “Oracle”ın İsrailin Müdafiə Qüvvələri, Müdafiə Nazirliyi və polis orqanlarına texnologiya təmin etdiyini xatırladaraq, bu əlaqələrin sövdələşmə baxımından narahatlıq doğurduğunu bildirib.
“Paramount Skydance” isə açıqlamasında kommersiya mübahisəsində “soyqırım” və “aparteid” kimi ifadələrin, eləcə də antisemit çıxışların qəbuledilməz olduğunu bildirib.
Ruffalo ittihamlara cavab olaraq İsrail hökumətinin siyasətini və hərbi müqavilələri tənqid etməyin yəhudilərə qarşı düşmənçiliklə eyniləşdirilməsinin yanlış olduğunu deyib.
Aktyor həmçinin sövdələşmənin “CNN”, “HBO” və “Warner Bros” kimi böyük media brendlərini bir ailənin nəzarətinə keçirə biləcəyini və bunun media azadlığı ilə rəqabət üçün risk yaratdığını vurğulayıb.
