Budapeştdə tələbələr və müəllimlərin iştirakı ilə hakimiyyətdən iş şəraitinin və müəllimlərin maaşlarının yaxşılaşdırılması tələbi ilə kütləvi nümayiş keçirilib.
"Operativ Məlumat Mərkəzi-OMM" "Euronews"-a istinadən xəbər verir ki, etirazçılar maaşların artırılmasını və müəllimlərin iş şəraitinin yaxşılaşdırılmasını tələb edir, həmçinin müəllimlərin dövlət qulluqçusu statusunu ləğv edən qanun layihəsinin ləğvini tələb edirlər.
Dinc etirazçılarla polis arasında qarşıdurma baş verib.
Macarıstanda artan tələbə hərəkatı aylardır oxşar etiraz aksiyaları keçirir. Baş nazir Viktor Orban hökuməti təhsildə yüksək maaşların olmamasının səbəbini Avropa fondunun dondurulması ilə əlaqələndirir, Brüssel bunu qanunun aliliyini pozduğuna və avtoritar qanunların qəbuluna görə cəza kimi tətbiq edir.
