Avropa ölkələrinin Rusiya və Belarusla bağlı mövqeyinin Avropa İttifaqı tərəfindən artıq anlaşılmağa başlandığı bildirilib.
“Operativ Məlumat Mərkəzi–OMM” xəbər verir ki, bunu Belarus Prezidenti Aleksandr Lukaşenko "BelTA" xəbər agentliyinin teleqram kanalına açıqlamasında deyib.
Lukaşenko qeyd edib ki, Avropanın nəhayət öz maraqlarının harada olduğunu anlamağa başlamasından məmnundur:
“Biz bunu qeyd etmirik. Amma açığı, Avropanın nəhayət ki, xoşbəxtliyinin harada olduğunu başa düşməsindən məmnunam. Onların üzləşdikləri problemlərdən xeyli əvvəl mən açıq şəkildə demişdim ki, Avropanın yeri bizimlə, Rusiya ilədir. Bu, bizim evimizdir və xoşbəxtliyi də burada axtarmalıyıq”.
