İngiltərənin "Liverpul" klubu Fransanın PSJ komandasının vingeri Bredli Barkola ilə yenidən maraqlanmağa başlayıb.
"Operativ Məlumat Mərkəzi-OMM" xarici KİV-ə istinadən xəbər verir ki, "qırmızılar" hələ ötən il fransız futbolçunu heyətinə qatmaq istəsə də, bu cəhd uğursuz olmuşdu.
İndi isə klub rəhbərliyi bu keçidi yenidən ciddi şəkildə nəzərdən keçirir.
Mersisayd təmsilçisi 23 yaşlı oyunçunu Federiko Kyezanın əsas əvəzləyicisi kimi görür. İtalyan futbolçunun mövsümlərarası fasilədə komandanı tərk edəcəyi yüksək ehtimalla gözlənilir və bu səbəbdən yeni hücumçu axtarışları sürətlənib.
Hazırda "Transfermarkt" portalı Bredli Barkolanın bazar dəyərini 70 milyon avro olaraq qiymətləndirir. Cari mövsümdə gənc istedad Luis Enrikenin rəhbərliyi altında bütün turnirlərdə 44 matçda meydana çıxıb. O, bu görüşlərdə 12 qol və 7 məhsuldar ötürmə ilə yadda qalıb.
