OMM Redaksiyası
"Liverpul" rəhbərliyi müdafiənin dayağı olan İbrahima Konate ilə yeni müqavilə imzalamaq məsələsində artıq hər zamankındın daha əmindir.
"Operativ Məlumat Mərkəzi-OMM" “TEAM Talk” nəşrinə istinadən xəbər verir ki, 26 yaşlı fransız müdafiəçinin müqaviləsinin son ilinə daxil olması və "Real Madrid"in ciddi marağı "Enfild"də narahatlıq yaratsa da, son hadisələr vəziyyəti klubun xeyrinə dəyişib.
Müqavilənin yenilənməsində ən böyük amillərdən biri kapitan Vircil van Deykin şəxsən dövriyyəyə girməsidir. Van Deyk həm mətbuat qarşısında, həm də şəxsi söhbətlərində Konatenin qalması üçün çağırış edib.
"Onun qalmasını çox istəyirəm. O, meydanda vacib fiqur, meydandan kənarda isə əsl liderlərdən biridir. Mənim gözümdə o, dünya səviyyəli mərkəz müdafiəçisidir." — Vircil van Deyk
Hazırda həftəlik 75,000 funt-sterlinq ilə komandanın ən az maaş alan əsas heyət üzvlərindən biri olan Konate üçün FSG (Fenway Sports Group) rəhbərliyi güzəştə getməyə hazırlaşır. Əvvəlcə 300,000 funt tələb edildiyi deyilsə də, tərəflərin həftəlik 200,000 funt-sterlinq ətrafında ortaq məxrəcə gələcəyi gözlənilir.
