Livan İsrailin ölkənin cənubuna 4 nəfərin yaralandığı hava hücumu ilə bağlı Birləşmiş Millətlər Təşkilatının Təhlükəsizlik Şurasına şikayət edəcəyini açıqlayıb.
"Operativ Məlumat Mərkəzi-OMM" xəbər verir ki, İsrail ordusunun Livanın cənubunda həyata keçirdiyi və Birləşmiş Millətlər Təşkilatının Livandakı Müvəqqəti Sülh Qüvvələrinin (UNIFIL) 3 əsgəri və 1 livanlı mülki vətəndaşın yaralandığı hava hücumunun ardından Livan Xarici İşlər Nazirliyindən yazılı açıqlama verilib.
Açıqlamada İsrailin ölkənin cənubuna hücumu ilə bağlı Birləşmiş Millətlər Təşkilatının Təhlükəsizlik Şurasına (BMT TŞ) şikayət etməyə hazırlıqların başladığı və beynəlxalq hüquqa zidd olan bu hücumun şiddətlə pisləndiyi bildirib.
