Litvanın enerji sektorundakı bir neçə müəssisəsi Ukraynaya 50 milyon avro dəyərində elektrik avadanlığı verəcək.
"Operativ Məlumat Mərkəzi-OMM" xəbər verir ki, bu barədə ölkənin energetika nazirliyi məlumat yayıb.
"Ukrayna tərəfinin istəkləri nəzərə alınmaqla texnikanın ötürülməsi haqqında protokol imzalanıb", - deyə nazirliyin saytında yazılıb.
Nazirlikdən bildirilib ki, bütün bu texnika Ukraynanın enerji sisteminə operativ şəkildə inteqrasiya oluna bilər. Kiyev həmçinin 7,3 min günəş modulu alacaq.
