Litva Ukraynanın təhlükəsizliyinə yüzlərlə əsgər göndərəcək

Litva Ukraynanın təhlükəsizlik zəmanətlərinə töhfə verməyə hazırdır.

"Operativ Məlumat Mərkəzi-OMM" xarici KİV-ə istinadən xəbər verir ki, bu barədə Litvanın müdafiə naziri Robertas Kaunas LRT-yə açıqlamasında bildirib.

Nazirin sözlərinə görə, məsələ ilə bağlı müzakirələr hələ davam edir və dəqiq rəqəmlər açıqlanmayıb:
“Dəqiq məlumat verə bilmərəm; biz hələ də müzakirənin ortasındayıq. Təhlükəsizlik zəmanətlərinə mütləq töhfə verəcəyik. Əgər sülh əldə olunarsa, bu, bir neçə yüz əsgər ola bilər”.

Bununla belə, Kaunas Litvanın Ukraynanın təhlükəsizlik zəmanətlərinə hansı konkret vasitələrlə daha çox töhfə verə biləcəyi barədə ətraflı məlumat paylaşmayıb. O qeyd edib ki, Litva Avropa ölkələri və ABŞ ilə birgə sülh sazişinə nail olmaq üçün səylərini davam etdirir.