Latviya Latviya NATO-nun "Arctic Guardian" missiyasında iştirak edəcək.
"Operativ Məlumat Mərkəzi-OMM" xəbər verir ki, bu barədə LETA məlumat yayıb.
Ölkənin Müdafiə Nazirliyi bildirib ki, missiya Şimali Atlantika Alyansının Arktikada və Uzaq Şimalda mövqeyini gücləndirəcək və hərbi blokun bölgədəki daimi mövcudluğunu genişləndirəcək.
Latviyanın müdafiə naziri Andris Spruds Arktikanın hərbi, iqtisadi və geosiyasi maraqların kəsişdiyi getdikcə daha vacib bir təhlükəsizlik məkanına çevrildiyini vurğulayıb.
Qeyd olunur ki, Baltikyanı ölkə kollektiv müdafiəyə töhfə verməyə və Arktika bölgəsindəki müttəfiqləri ilə sıx əməkdaşlıq etməyə hazırdır. İştirakın forması və əhatə dairəsi hələ də müzakirə olunur.
