İspaniya La Liqasının prezidenti Xavyer Tebas vəzifəsindən istefa verib.
"Operativ Məlumat Mərkəzi-OMM" "Marca"ya istinadən xəbər verir ki, o, seçkilərdə yenidən prezident seçilmək üçün bu addımı atıb. Tebasın istefası ilə 2024-cü ildə keçirilməsi gözlənilən prezident seçkilərinin bu il təşkil olunacağı gözlənilir.
2013-cü ildən İspaniya La Liqasının prezidenti olan Xavyerin 4-cü dəfə yeganə namizəd kimi prezident seçiləcəyi iddia edilir.
Seçkilərin gələn il keçiriləcək İspaniya Futbol Federasiyası seçkiləri ilə ziddiyyət təşkil etməməsi üçün bu üsuldan istifadə edildiyi bildirilir.
