Krımda dağlardan enə bilməyən iki turist xilas edilib

Krım dağlarında xilasedicilər Çalki dağının silsiləsində çətin ərazidən enə bilməyən iki turistə yardım göstəriblər.

"Operativ Məlumat Mərkəzi-OMM" xəbər verir ki, bu barədə regionun Fövqəladə Hallar Nazirliyinin mətbuat xidmətindən məlumat verilib.

İki turist qadın xilasedicilərə müraciət edərək bildiriblər ki, onlar Krımın cənub-şərq sahillərindəki Çalki dağ silsiləsinə çıxıblar və təkbaşına ərazidən enə bilmirlər.

Hadisə yerinə 3 nəfərlik axtarış-xilasetmə qrupu sövq edilib. Xilasedicilər qadınları taparaq yamacdan enməyə kömək göstəriblər.