Portuqaliya millisinin və "Portu"nun hücumçusu Fransisko Konseysao bu mövsümün sonuna qədər "Yuventus"a icarəyə verilib.
"Operativ Məlumat Mərkəzi-OMM" xəbər verir ki, bu barədə Turin komandasının mətbuat xidməti məlumat yayıb.
Bildirilib ki,müqavilədə futbolçunun məcburi alınması variantı yer almayıb.
21 yaşlı forvardın Portuqaliya komandası ilə müqaviləsi 2029-cu ilin yayına kimi nəzərdə tutulub.
Ötən mövsüm Konseysao bütün turnirlərdə 43 matçda meydana çıxıb, 8 qol vurub və 8 məhsuldar ötürmə edib.
