OMM Redaksiyası
“Bavariya”nın baş məşqçisi Vensan Kompani Bundesliqanın 5-ci turunda “Augsburq”la keçirilən və 2:2 hesabı ilə başa çatan oyunu dəyərləndirib.
Kompani nəticədən narazı qaldıqlarını, ancaq səfər matçının çətin keçdiyini deyib. Onun sözlərinə görə, komanda çoxsaylı qol imkanları yaradıb, lakin buraxılan səhvlər rəqibə iki dəfə fərqlənməyə şərait yaradıb. Mütəxəssis bu səhvlərə görə məğlubiyyətin də ədalətli ola biləcəyini bildirib.
Baş məşqçi “Bavariya”nın qapıya 29 zərbə vurduğunu, dörd qolunun isə ofsayd səbəbindən qeydə alınmadığını söyləyib. Kompani hazırkı nəticənin acı olduğunu, lakin komandanın qarşıda çox oyununun olduğunu və mübarizəni davam etdirməli olduqlarını vurğulayıb.
Görüşdə hesabı 1-ci dəqiqədə “Augsburq”dan Fellhauer açıb. “Bavariya”nın heyətində Saybari 55-ci dəqiqədə tarazlığı bərpa edib, Ribeyru 64-cü dəqiqədə meydan sahiblərini yenidən önə keçirib. Braun 80-ci dəqiqədə yekun hesabı müəyyənləşdirib.
