Kolumbiya və Çili Qəzzaya hücumlarına cavab olaraq İsraildəki səfirlərini məsləhətləşmələr üçün geri çağırıb.
"Operativ Məlumat Mərkəzi-OMM" xarici KİV-ə istinadən xəbər verir ki, bu barədə hər iki dövlət başçısı açıqlama verib.
Kolumbiya Prezidenti Qustava Petro İsrailin Fələstin xalqına qarşı törətdiyi qətliamlarla bağlı "X" sosial mediasında paylaşım edib.
Paylaşımda: "İsraildəki səfirimizi məsləhətləşmək üçün çağırmağa qərar verdim. İsrail Fələstin xalqına qarşı qırğınlarını dayandırmasa, biz orada ola bilmərik",- deyə qeyd olunub.
Çili prezidenti Qabriel Boric açıqlamasında İsrailin Qəzza zolağında beynəlxalq insan haqları qanunlarını pozduğunu və Çilinin Təl-Əvivdəki səfirini məsləhətləşmələr üçün ölkəyə dəvət etdiyini bildirib.
"Çili bu hərbi əməliyyatları qətiyyətlə pisləyir və onları narahatlıqla izləyir", - deyə Boric qeyd edib.
