Şimali Koreya bu gün yerli vaxtla 06:00 radələrində şərq istiqamətinə ən azı bir ballistik raket buraxıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, raket Vonsan bölgəsindən buraxılıb.
Qeyd olunub ki, bu, son günlər ərzində Şimali Koreyanın həyata keçirdiyi ikinci belə raket buraxılışıdır və və Cənubi Koreya ilə ABŞ arasında planlaşdırılan birgə hərbi təlimlərdən əvvəl açıq şəkildə etiraz əlamətidir.
Cənubi Koreya Silahlı Qüvvələrinin Birləşmiş Qərargah Rəisləri Komitəsi mümkün əlavə raket buraxılışlarına qarşı müşahidə və hazırlıq səviyyəsinin gücləndirildiyini açıqlayıb.
Məlumata görə, raket 700 kilometrdən çox məsafə qət edib. Onun dəqiq tipi və uçuş məsafəsi hələ müəyyənləşdirilməyib.
Raketin Yaponiyanın müstəsna iqtisadi zonasına düşmədiyini bildirib.
Nazirliyin hesablamalarına görə, raket buraxılışdan təxminən 10 dəqiqə sonra dənizə düşüb.
