Səbəbi hələ müəyyən edilməmiş xəstəlik səbəbindən Keniyada 4 nəfərin öldüyü bildirilib.
"Operativ Məlumat Mərkəzi-OMM" xarici mediaya istinadən xəbər verir ki, bu barədə Keniya Səhiyyə Nazirliyi epidemiyanın ölkənin Kakameqa bölgəsində baş verdiyini açıqlayıb.
Açıqlamada dünəndən bu yana 627 nəfərin epidemiyaya məruz qaldığı, bu şəxslərin 7 ayrı sağlamlıq mərkəzində müalicə olunduğu bildirilib. Xəstəlik qızdırma, qarın ağrısı, qusma və ishal kimi əlamətlər ilə özünü büruzə verir.
Epidemiyaya görə iki məktəbdə tədris dayandırılarkən, xəstəliklə bağlı araşdırmaların davam etdiyi qeyd edilib.
