Keniyada noyabrın ortalarından bu yana davam edən şiddətli yağışların səbəb olduğu daşqınlarda həyatını itirənlərin sayının 170-ə yüksəldiyi bildirilib.
"Operativ Məlumat Mərkəzi-OMM" xəbər verir ki, bu barədə Keniya Qırmızı Xaç Komitəsi məlumat yayıb.
Açıqlamada təbii fəlakət nəticəsində həyatını itirənlərin sayının 170-ə çatdığı, 600 min keniyalının isə ötən ayın ortalarından etibarən evlərini tərk etmək məcburiyyətində qaldığı qeyd edilib.
Keniyada hökumət daşqın qurbanları üçün 15 milyon dollar büdcə ayırıb və fövqəladə vəziyyət elan edib.
