"Avropa İttifaqı (Aİ) ölkələrinin Rusiyaya qarşı 20-ci sanksiyalar raundu ilə bağlı razılığa gəlməsi ehtimalı azdır".
"Operativ Məlumat Mərkəzi-OMM" xəbər verir ki, bu sözləri Aİ-nin xarici işlər və təhlükəsizlik siyasəti üzrə ali nümayəndəsi Kaya Kallas bildirib.
Onun görə, bu, təklif olunan məhdudlaşdırıcı tədbirlərə qarşı çıxan Macarıstanın mövqeyi ilə bağlıdır.
"Sabah bu dəhşətli müharibənin dörd ili tamam olur və təbii ki, 20-ci sanksiya paketi ilə bağlı müzakirələr aparılacaq. Amma hamınızın bildiyi kimi, bu gün bu məsələdə hər hansı bir irəliləyiş olacağını düşünmürəm, amma mütləq israr edəcəyik. Macarıstandan çox ciddi bəyanatlar eşitdik və düşünmürəm ki, onlar mövqelərini dəyişəcəklər", - Kaya Kallas bildirib.
Daha əvvəl Macarıstanın xarici işlər naziri Peter Siyarto Budapeştin Rusiyaya qarşı 20-ci sanksiyalar raundunu bloklayacağını açıqlamışdı.
