İspaniyanın "Real Madrid" futbol klubunun keçmiş baş məşqçisi italyan Karlo Ançelotti vergidən yayındığına görə bir il müddətinə azadlıqdan məhrum edilib.
"Operativ Məlumat Mərkəzi-OMM" TASS-a istinadla xəbər verir ki, müvafiq qərarı Madrid Ali Məhkəməsi qəbul edib.
İspaniya qanunlarına əsasən, iki ilə qədər həbs cəzası çox vaxt şərti olur.
Bildirilir ki, məhkəmə Ançelottini 2014-cü ilin vergi dövrü ilə bağlı cinayət törətdiyinə görə bir il müddətinə azadlıqdan məhrum edib və 2015-ci ilin vergi dövrü ilə bağlı ona bəraət hökmü çıxarıb.
Qeyd edilir ki, Ançelotti 2014 və 2015-ci illərdə yalnız "Real Madrid"dəki maaşından vergi ödəyib, əlavə gəlir mənbələrindən deyil. Borcun ümumi məbləği 1.062 milyon avro təşkil edib.
