Tailand və Kambocanın müdafiə nazirləri Malayziyada danışıqlara başlayıb.
"Operativ Məlumat Mərkəzi-OMM" “Reuters“ə istinadən xəbər verir ki, tərəflər iki ölkə arasında razılaşdırılan atəşkəs rejiminin davamlılığı ilə əlaqədar müzakirələr aparır.
Avqustun 7-də isə hər iki ölkənin sərhəd mühafizə xidmətlərinin heyətləri arasında görüşün keçiriləcəyi planlaşdırılır.
Sözügedən görüşdə ABŞ, Çin və Malayziyadan olan nümayəndələr də iştirak edəcək.
Qeyd edək ki, Kamboca və Tailand arasında baş verən sərhədboyu toqquşmalarda azı 43 nəfər həyatını itirib, 300 000 nəfər yaşayış yerini tərk edib.
İki ölkə arasında atəşkəs iyulun 28-də elan edilib.
