Avropa Şurası Parlament Assambleyası yanvarın 22-də alman Frank Şvabenin təqdim etdiyi və sadəcə olaraq Avropa və Fransadakı güclü erməni icmasının ritorikasını çatdıran vəsatətlə Azərbaycanın səlahiyyətlərinə etiraz edib.
"Operativ Məlumat Mərkəzi-OMM" xəbər verir ki, bunu Fransa müsəlmanları jurnalının baş redaktoru Jan Mişel Brun Brun Reala eksklüziv müsahibəsində bildirib.
Ekspertin sözlərinə əsasən bu bəyanatlar 30 illik işğala baxmayaraq, Azərbaycanı aqressor ölkəyə çevirməklə reallığı tərsinə çevirməyə meyllidir. Brun bu münasibətin səbəbini bu cür izah edir.
Xatırladaq ki, Avropa Şurası Parlament Assambleyasının (AŞPA) deputatları çərşənbə günü keçirdiyi müzakirədə Azərbaycanın qurumdakı nümayəndə heyətinin etimadnaməsini təsdiq etməyib.
Həmçinin səsvermə hüququmuzu 1 il müddətində məhdudlaşdırıb.
Buna səbəb kimi Assambleya rəsmi Bakının öz üzərinə götürdüyü “əsas öhdəlikləri” yerinə yetirmədiyini göstərib.
Buna cavab olaraq Azərbaycan nümayəndə heyəti AŞPA ilə əməkdaşlığı və təşkilatda iştirakını qeyri-müəyyən müddətə dayandırıb.
