Fransa xarici işlər naziri Jan-Noel Barro sülhməramlıların atəşə tutulmasını müharibə cinayəti adlandırıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Barro bildirib ki, BMT sülhməramlılarına qarşı belə bir hücum təkcə müharibə cinayəti deyil, həm də bütün beynəlxalq ictimaiyyətə hücumdur.
Prezident Emmanuel Makron da buna görə Hizbullahı günahlandırıb.
Xatırladaq ki, hücum aprelin 18-də Livanın cənubunda baş verib. Bir əsgər hadisə yerində ölüb, digəri isə ağır yaralarla Fransaya aparılıb və aprelin 22-də orada ölüb, daha iki əsgər yaralanıb.
Livan ordusu hadisənin səbəblərini müəyyən etmək və hadisə ilə əlaqəli şəxsləri həbs etmək üçün lazımi araşdırmalar apardığını bildirib.
