Afət Ziyadqızı
İtaliyanın müdafiə naziri Guido Krosetto bəyan edib ki, NATO-nun dəyişməyə ehtiyacı var və onun indiki formada mövcud olmaq üçün artıq heç bir səbəbi yoxdur.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
Krosetto buradakı çıxışında "NATO-nun artıq varlıq səbəbi yoxdur. Bir vaxtlar dünyanın mərkəzi Atlantik okeanı idi, indi bütün dünyadır" deyərək dünyanın mərkəzinin dəyişdiyinə diqqət çəkib.
Krosetto bu cür qiymətləndirmə edib: "Əgər NATO sülhü və qarşılıqlı müdafiəni təmin etmək üçün yaradılıbsa, bu vəzifəni üzərinə götürməli və dünyanın cənubu ilə də dialoq quran bir təşkilata çevrilməlidir. Əks halda, hər kəsə şamil olunan qaydalar çərçivəsində təhlükəsizliyin təmin edilməsi məqsədinə nail ola bilmərik".
