İtaliyanın Florensiya şəhəri yaxınlığında gecə saatlarında yük qatarının relsdən çıxması ölkə daxilində dəmir yolu nəqliyyatında böyük axsamalara səbəb olub.
"Operativ Məlumat Mərkəzi-OMM" xarici KİV-ə istinadən xəbər verir ki, hadisə yerində aparılan araşdırmadan sonra İtaliya yanğınsöndürmə briqadası qəzada ölən və ya yaralanan olmadığı barədə məlumat paylaşıb.
İtaliya mətbuatı qəza nəticəsində dəmir yolu infrastrukturuna ciddi ziyan dəydiyini yazarkən, relsdən çıxan vaqonun iri kranlarla çıxarılması işlərinin davam etdiyi bildirilib.
Qəza səbəbindən ölkənin şimaldan cənuba əsas arteriyası olan Florensiya ilə Boloniya arasında qatarların hərəkəti də bağlanıb.
