İtaliyanın bir çox şəhərində İsrailin Qəzzaya təşkil etdiyi hücumlarda həyatını itirənlər üçün anım mərasimləri keçirilib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Meydanlarda, pəncərələrdə və eyvanlarda kəfəni təmsil edən ağ mələfələr və Fələstin bayraqları asılıb.
Milan, Florensiya və Rimini kimi şəhərlərdə "Qəzzəyə 50 min kəfən" çağırışı ilə etirazlar keçirilib.
Florensiya bələdiyyəsi də aksiyaya dəstək verib. Tarixi "Palazzo Vecchio"nun, Meriya binasının eyvanına ağ mələfə asılıb.
Bəzi şəhərlərdə Fələstin tərəfdarları meydanlarda kəfən göstərərək nümayiş keçirib.
