İtaliyada Etna dağı yenidən lava püskürüb

İtaliyada son günlər vulkan püskürmələrinin baş verdiyi Vorajin adlı krater gecə saatlarında yenidən kül və lava püskürməyə başlayıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Kraterdə vulkan püskürmələri səhər saatlarına qədər davam edib. Etnadakı vulkan püskürmələri səbəbiylə Kataniya Fontanarossa Hava Limanına eniş etməli olan bəzi təyyarələrin yaxınlıqdakı Palermoya istiqamətləndirildiyi, bəzi uçuşların isə gecikdirildiyi bildirilib.