İtaliya "Salernitana"sının futbolçusu Flavius Danilyuk Azərbaycan millisinə qarşı AVRO-2024-ün seçmə mərhələ oyununda Avstriya yığmasına debüt edə bilər.
"Operativ Məlumat Mərkəzi-OMM" yerli mətbuata istinadən xəbər verir ki, baş məşqçi Ralf Ranqnik martdakı qarşılaşmalar üçün 22 yaşlı müdafiəçiyə dəvət göndərəcək. 65 yaşlı mütxəssis heyətdəki itkilərə görə bu addımı atacaq.
Danilyuk bunadək ölkəsinin U-21 yığmasının kapitanı olub.
Qeyd edək ki, Azərbaycan millisi AVRO-2024-ün seçmə mərhələsində ilk oyununu 2023-cü il martın 24-də səfərdə Avstriyaya qarşı keçirəcək. Belçika, İsveç və Estoniya da F qrupunda mübarizə aparacaqlar.
