İsveçin Kuala-Lumpurdakı səfiri Yoahim Berqstrem Malayziya Xarici İşlər Nazirliyinə (XİN) çağırılıb.
"Operativ Məlumat Mərkəzi-OMM" xarici KİV-ə istinadən xəbər verir ki, bu barədə Malayziya XİN məlumat yayıb.
Bildirilib ki, İsveç səfirinin XİN-ə çağırılmasına səbəb Stokholmda bir müddət əvvəl Qurani-Kərimin yandırılmasıdır.
Qeyd edilib ki, Malayziya XİN İsveç hökumətini söz azadlığı ilə bağlı iflasa uğrayan siyasətini yenidən nəzərdən keçirməyə və bu ölkədə kök salmış islamofobiyaya son qoymaq üçün təcili tədbirlər görməyə çağırıb.
