İstanbul valisi Davud Gül, Küçükçekmecedə dava zamanı əllərində qılınc gəzdirən xarici vətəndaşların deportasiya edildiyini bildirib.
"Operativ Məlumat Mərkəzi-OMM" xarici KİV-ə istinadən xəbər verir ki, ötən gün Küçükçekmecedə iki əcnəbi arasında gedən davada qılıncdan istifadə edilib.
Davud Gül sosial media hesabında etdiyi paylaşımda, “Əllərində qılıncla döyüşən əcnəbilər aşkar edilərək deportasiya edilib. İstanbul böyük bir metropol olsa da, zaman-zaman belə arzuolunmaz hadisələr baş verir. Buna baxmayaq bizim cinayətkarlara qarşı qətiyyətli mübarizəmiz davam edəcək”, - deyə o bildirib.
