İsrailin Cibaliya Qaçqınlar Düşərgəsinə təşkil etdiyi hücumda ölən, yaralanan və itkin düşənlərin sayının 1000-ə yüksəldiyi bildirilib.
"Operativ Məlumat Mərkəzi-OMM" xarici KİV-ə istinadən xəbər verir ki, bubarədə Qəzza Səhiyyə Nazirliyinin sözçüsü Əşrəf əl-Qudra öz "Facebook" hesabında paylaşım edib.
İsrail ordusunun blokada altındakı Qəzza zolağının şimalındakı Cibaliya Qaçqınlar Düşərgəsini ikinci dəfə bombardman etməsi nəticəsində onlarla insanın öldüyü və yaralandığı bildirilib.
Mülki müdafiə qrupları və yerli sakinlər axtarış-xilasetmə əməliyyatına başlayıb.
Qəzzada Səhiyyə Nazirliyinin açıqlamasında, ilkin təsbitlərə görə, İsrail döyüş təyyarələrinin hücumu nəticəsində 100 nəfərin həyatını itirdiyi və düşərgədəki mülki yaşayış məntəqələrindən biri olan "6 Blok" məhəlləsinin tamamilə dağıdıldığı bildirilib.
